كل عام وغيابك يجيب المصآيب..

هذي سنة عدت... وعدت.. غرابيل..
أشعلت لك »شمعة حياتي « وجايب..

حزن وهموم. وجرح.. ودموع منديل
»باقة حزن « والكرت في اسم »غاايب ..«

مغلفة من دمع... والمحتوى ( ويل )
فيها كلام يجعل الدمع »ذايب «

أشعلت بغيابك عيوني قناديل
وهبت على صدري جميع الهبايب

وفي غيبتك »شايب « أكل همه الليل
وفي غيبتك طفل سكن فيه »شايب «

كفرت بك (حزن ومواجع وتذليل)
ورجعت لك مع »مورق الحب « تايب

جيتك.. وحظي خايب.. وحبك يخيل..
لكن رجعت.. ويرجع الحظ خايب

(الليل والبيداء والثالث الخيل)
حزني وهمي والسهر لي حباااااااايب

أشيل جرح.. وترجع تحط.. وأشيل
وأشيل.. وأنت تحط.. والجرح.. عايب

قهويتني »بخلك « وقهويتك الهيل
وهذا أنا مازلت.. مازلت ذاااايب..

»كل عام وأنت بخيل « يا صاحبي حييييييل
وكل عام وغيابك يجيب المصايب

وكل عام.. ودموعي تجي كنها سيل
وكل عام.. وعيوني تشوف العجايب..

هذي سنة.. عدت.. ولكن ( غراااااابيل)
وشلون تحلى؟ وأنت مازلت غايب

مع تحياتي:
حبوبة المنتدى