بسم الله الرحمن الرحيم
اليوم حطيتلكم قصة لبيت من بيوت اللي شفتها..
بيت بومحمد..ويتكون اسرته من بنتين الي هم هنادي وشوق هنادي اكبر من شوق ب7سنوات وعمرها 25 سنه وشوق عمرها 18 سنه ...
بعرفكم عليهم..
(هنادي بنت رشيقه وحلوه وشعرها اسود وتحب تتكشخ وتحب آآخر استايل ينزل في مول وعيونها سود وهيه سمره وتحب الطلعات وكل همها ربيعاتها وماتحب تفارقهم وأهلها يدلعونها اكثر من شوق رغم انه شوق اصغر منها وجاااو لها كثير من رجاجيل عشان يخطبونها بس كانت ترفض)
(اما شوق فهي جمالها ماشاء الله عليها لو كان الطير فوقها لطاح من جمالها وعيونها سود وشعرها اسود و طويل ونااااااعم وبشرتها بيضه وهيه تحب الموضه بس ماتحب تكلف على اهلها وااايد عكس هنادي وهيه انسانه هاديه ولكن تحس بنقص في الحنان والحب من اهلها وهيه بعد واايدين تقدموا لها)
وماننسى ان بومحمد عنده ولدين..اكبر واحد اسمه محمد واللي اكبر من هنادي بثلاث سنوات وعمره28سنه
وسيف اصغر من هنادي بثلاث سنوات وعمره 22..سنه
بعرفكم عليهم..
(محمد انسان طموح ويحب الطلعات ويحب اكثر شي من اخوانه هنادي وشوق وجودها وعدمها كأنه واحد بالنسبه له بس تدرون انه شوق هيه اكثر وحده اتساعدهم وتوقف معاهم وقت الشدة رغم صغرها ومنكمل عن محمد وهذا انسان فيه طبع خايس وهوه التكبر)
(سيف انسان هادي وطيب ومايحب حد يزعل شوق ويحب يساااعد اهله ويطيع شوور ابوه ومايعصي كلامه)
....يوم من الايام رن جرس بيت بومحمد وراح سيف يفتح الباب وشاف بعض من الحريم ورجال ووالد هالرجل المهم انتبه سيف للحريم عند الباب اول شي اللي كانوا واقفين...
سيف:لحظه شوي بنادي الوالده
( وكيف ماتعرفون سيف من نوع خجول وبسرعه راح نادى امه....)
سيف:يمه ابسرعه تعالي شي حريم قدام الباب تعالي وضيفيهم وانا بيي واضيف الرجاجيل في مجلسنه
ام محمد:انشاء الله ياولدي بس ماتعرف من الضيوف
سيف :لايمه
ووصلت ام محمد لين الباب شافت الحريم بس ماقدرت تعرف من لانهم متبرقعات
الحريم:السلام وعليكم
ام محمد: وعليكم السلام... (ام محمد استحت شافت الوضع فحست لازم تدخلهم لانه مش حلوه وقفات قدام الباب ويتكلمن وام محمد انسانه سنعه وتعرف الاصول)
ام محمد:حياكم الله اقربوا(ودخلوا الحريم وسلم سيف على الرجاجيل وضيفهم وشويه بومحمد يدخل المجلس)
بومحمد:السلام وعليكم ورحمة الله نورتوا البيت
(الرجال ووالده اللي كانوا ياوا هم من نفس الفريج اللي يسكنه بومحمد واسم الرجال راشد وهوه انسان هادي وعمره 23 واخلاقه ماشاء الله.. ماعليه عيب رجال سنع ويعرف الاصول )
راشد+بوراشد: وعليكم السلام ورحمة الله منور المجلس بوجودك يابومحمد
بومحمد: اشحالك ياولدي ياراشد واشحال الأشغال معاك
راشد: الحمدلله عمي
بوراشد:يابومحمد انا ياي اقولك موضوع مهم
بومحمد:تفضل يااخوي قول اللي تباه تقول كيف مايقولون الآذان صاغيه
بوراشد:انا ياي اخطب راشد لبنتك شوق
بومحمد:هاذي الساعه المباركه يابوراشد بس عطنه اسبوع لين مااشارور اهل البيت واشاور البنت وارد عليك
بوراشد:انشاء الله اللي فيه الخير يصير ومانباه شي الا برضى الله ثم رضاكم يابومحمد
بومحمد:مشكوريابوراشد وانا مثلك اتمنى كل خير
بوراشد:يلا يااخوي بستأذن عنك الحين وانشاء الله نمر عليكم مره ثانيه
بومحمد:ليش بدري اقعد اشوي
بوراشد:لا يابومحمد وراي اشغال اريد اخلصهم ومره ثانيه نمر عليكم
(وراحوا اهل راشد )::
دخل بومحمد البيت وشاف محمد توه طالع من مسبح وقعد في الصاله وام محمد كانت قاعده معاه
بومحمد:سيف نادي خواتك قولهم اباهم في سالفه
سيف:انشاء الله ابوي
وراح سيف عند باب اخواته وكالعاده يدق الباب وعقب يفتحه..
سيف:هنادي وشوق ابويه يباكم في سالفه
هنادي:بسم الله وشوه يباه ابوي الحين يعني مااقدر اكلم ربيعاتي في المسن
شوق :ابوج اهم من ربيعاتج
راحوا عند بومحمد...
في الصاله جلسوا كلهم واكتملت الأسره..)
بومحمد: أريد اقولكم اليوم موضوع مهم ويخص شوووق
شوق بأستغراب:يخصني انا ابويه
بومحمد: هيه يابنتي يخصج ياام محمد اليوم الضيوف اللي جايين عندنا جايين يطلبون ايد بنتج جايين يخطبون شوق
:::شوق ساكته ومستغربه وماقالت أي كلمه ومحمد معصب لانه انسان يحب يون لاخواته ناس كباريه وكل همه من بيوت معروفه وقبايل معروفه:::
محمد:ليش يايين حق شوق وثاني شي مايقدرون يعيشونها
بومحمد:بس ياولدي يامحمد هم ناس ولهم اخلاق ماشاء الله عليهم وام محمد ماسمعت رايج
ام محمد:رايي من رايك
(ومر 3 سنوات وراشد حب شوق بدون ماتدري انه يحبها وكان صابر كل هذا عشان مايفقدها وشوق حبت راشد من كثر ماكان بومحمد يمدح اخلاقه وتبغي توافق عليه بس للأسف الكل يسكت ومايعرفون شو يسوون يوم يسمعون راي محمد وهاللي خلاهم يتريون 3سنوات)
اذا الاسرة تريد تختار شخص يأخذ ابنتهم فأول شي شو يشوفون الأخلاق ولا المظاهر !!؟؟؟
مع تحياتي : الدلوعة
الأحد أكتوبر 12, 2008 2:31 am